Foto: Ilustrim
Dy persona të zhdukur, një në Ferizaj, një në Pejë
10.6.2018 - 13:26
Policia e Kosovës në raportin e saj të përditshëm ka njoftuar për dy raste të personave të zhdukur.
Sipas Policisë, një nënë ka raportuar dje se vajza e saj ka dalë nga shtëpia më 2 qershor dhe se nuk dihet vendndodhja e saj.
Policia thotë se rasti është duke u hetuar.
Një rast tjetër me person të zhdukur është regjistruar në Pejë.
Një qytetare është ankuar dje në Polici se vëllai i saj me probleme psikike ka dalë nga shtëpia më 4 qershor dhe nuk dihet vendndodhja e tij.
Lidhur me rastin është njoftuar edhe prokurori, ndërsa njësitet policore janë duke hetuar rastin.