Aktakuzë për Kosovarin për Shtytje në Vepra Terroriste

Rakip Avdyli  akuzohet  si përkrahës i organizatës terroriste ISIS e cila ka për qëllim që seriozisht të frikësojë popullsinë, të destabilizojë dhe të shkatërrojë strukturat themelore politike, kushtetuese, ekonomike dhe sociale të shteteve të ndryshme e pastaj në territorin e tyre të krijojë Shtetin Islamik.

Sipas aktakuzës, gjatë disa muajve deri me datë 14 Prill 2017, ditën kur ishte arrestuar, përmes internetit, në ueb-faqen e rrjetit social Facebook, në profilin e tij, si dhe në ueb-faqen Youtube, përmes llogarisë së tij personale “Nashheed” ka postuar video incizime me tekste të cilat, vet i ka shkruar dhe incizuar e në të cilat të gjithë myslimanëve iu ka bërë thirrje që në emër të xhihadit të kryejnë sulme terroriste kundër Qeverisë së Kosovës dhe ambasadave të huaja në Kosovë.

Po ashtu, në aktakuzë thuhet se Rakip Avdyli ka paralajmëruar ardhjen e “Hilafetit”, ashtu që në incizimin me titull “Në tokën e Shqiponjave do të vijë Hilafeti” thotë: “Do vijë Hilafeti, me përzënien e hienave, do vijë bereqeti, ngrituni vllazni, ngrituni o musliman, bëni xhihad, shpëtojeni këtë vatan, bëni sulme vetjake, apo në grupe, e dhelprave dinake, frikën me ja u futë, sulme istish`hadije apo kallashnikov, nga rruga selefije ti mos u largo, dridhjani token qafirave, vrisni taghutat, hapni rrugë të mirave, sherijatit shijojani frutat, bëhuni emir të vendit tuaj, mos e lëni në errësirë nën udhëheqjen e huaj, ata s`ja u dojnë të mirën, drogë, bixhoz e zina, ja u kanë lënë errësirën, s`ju dojnë ju dritë me pa, kapni armët e sulmoni Qeveri dhe ambasada, vendin nga të kqinjët çlironi nga udhëheqësit ma katolik se papa”, dhe në këtë mënyrë ka shkaktuar rrezik serioz që vepra të tilla edhe të kryhen.

KALLXO.com ka raportuar në vazhdimësi lidhur me këtë rast qysh prej momentit të arrestimit të Rakipit.

http://kallxo.com/paraburgim-per-rakip-avdylin/

http://kallxo.com/rakip-abdyli-pendohet-ne-gjykate-per-veprimet-e-tij/