Foto-ilustrim

Policia Kërkon Ndihmën e Qytetarëve për të Gjetur Grabitësit e ‘Western Union’-it

Policia e Prizrenit kërkon ndihmën e qytetarëve për identifikimin dhe arrestimin e të dyshuarve për grabitjen e një pike të agjencisë së transferimit të parave “Western Union”.

I kontaktuar nga KALLXO.com, zëdhënësi i Policisë Rajonale të Prizrenit, Vesel Gashi, tha se me të marrë informacionin njësitë relevante kanë dalë në vendin e ngjarjes dhe i kanë bërë hetimet e nevojshme lidhur me grabitjen e sontme që ndodhi në lagjen “Bazhderhane”.

Sipas zëdhënësit, Policia nuk e di kush janë të dyshuarit prandaj ka apeluar te të gjithë qytetarët që kanë informata të lajmërojnë Policinë në mënyrë që grabitësit e dyshuar të kapen dhe të sillen para drejtësisë.

Lidhur me incidentin, prokurorja e krimeve të rënda, Ervehe Gashi, tha për KALLXO.com se dy të dyshuar të maskuar kanë hyrë për të grabitur në pikën e “Western Unionit” dhe duke dalë kanë hasur në një polic në rroba civile, i cili pasi nga të dyshuarit është sulmuar me armë zjarri një herë ka shtënë në tokë e më pas në drejtim të tyre, duke e plagosur me gjasë njërin prej tyre.

Polici Civil Plagos Grabitësin e Dyshuar të ‘Western Union’

Ditë më parë është grabitur edhe një pikë e “Western Union” në Prishtinë.

 

13 Nëntor 2017 - 23:00

Petrit Kryeziu 13/11/2017 - 23:00
NDËRVEPRIMI0
Prishtina Insight
NA NDIQNI

Send this to a friend