![](https://kallxo.com/wp-content/uploads/2019/07/Gjykata-e-Mitrovices-foto-KALLXOcom.png)
Gjykata e Mitrovicës - Foto: KALLXO.com
Mitrovicë, Prokuroria: I akuzuari e kërcënoi komandantin e Policisë
Në Gjykatën e Mitrovicës ka dështuar të mbahet seanca gjyqësore ndaj të pandehurit Fadil Morina, i cili akuzohet për kanosje.
Seanca nuk u mbajt për shkak se mungoi i pandehuri por edhe i dëmtuari.
Gjyqtari Bekim Veliqi e shtyu gjykimin për në muajin gusht.
Sipas Prokurorisë, i pandehuri e kishte kanosur komandantin e Policisë në veri të Mitrovicës, Nenad Gjuriqin.
Prokuroria pretendon se rasti ka ndodhur më 24 nëntor 2015 rreth orës 22:50, kur i pandehuri Fadil Morina kishte thirrur në stacionin policor në Veri të Mitrovicës, ku ishte lajmëruar polici kujdestar.
Sipas aktakuzës, i akuzuari kishte kërcënuar se “kur të dal nga burgu do t’ia q.. nanën, do t’ia gjuaj bombën komandantit Nenad Gjuriq”.
Prokuroria pretendon se i pandehuri kishte shkaktuar frikë tek i dëmtuari dhe familja e tij.