Zhvillimet në Jarinjë
15:18 – Përfundon protesta, fillojnë të shpërndahen
Ka përfunduar protesta e serbëve në pikën kufitare në Jarinjë nga ana e Serbisë.
Protesta ka filluar në orë 13:00. Ky tubim ishte thirrur në “mbështjetje të serbëve të Kosovës”.
15:03 – Protestuesit me fyerje ndaj NATO-s
Protestuesit serb janë dëgjuar duke fyer e sharë NATO-n gjatë protestës në Jarinjë e cila është thirrë “në mbështjetje të serbëve të Kosovës”.
15:01- Protestuesit thonë se kanë marrë garanci nga policia do të liroi protestuesin e arrestuar
Protestuesit kanë vendosur që të largohet prej pikës kufitare në Jarinjë, pasi kanë marrë garanci nga Policia e Serbisë se do të lirojnë personin e arrestuar në momentin e eskalimit të situatës.
Një pjesë e protestueseve vazhdojnë të jenë në afërsi të kordonit të policisë së Serbisë.
14:32 – Kërkohet lirimi i protestuarit të arrestuar
Grupi i protestuesve i është afruar pikave kufitare, por kordoni i njësisë speciale të Policisë së Serbisë ka arritur të vë në kontroll protestën në Jarinjë.
Protestuesit në vazhdimësi po kërkojnë që të lirohet personi I arrestuar nga Policia e Serbisë. Ata po ashtu nuk kanë informacione për identitetin e personit të arrestuar.
14:20 – Protestuesit brohorasin “Kosova është zemra e Serbisë”.
Protestuesit serb në Jarinjë kanë filluar të brohorasin “Kosova është zemra e Serbisë”.
14:18 – Policia serbe arreston një protestues
Policia e Serbisë e ka arrestuar një nga protestuesit i cili e ka kaluar kordonin e policëve të rendit të Serbisë. Arrestimi i tij është përcjell me brohoritje të protestueseve.
14:15 – Formohet një kordon i Njësisë Speciale të Serbisë
Një kordon i njësisë Speciale të Serbisë është formuar para pikës kufitare në Jarinjë për të parandaluar ekskalimin e mëtejmë të protestës.
14:13 – Dëgjohet një shpërthim në protestë
Teksa protestuesit serb po thyenin kordonin e policisë së Serbisë është dëgjuar një mjet shpërthim.
14:12 – Eskalon protesta në Jarinjë
Një grup i protestueseve e kanë kaluar kordonin e policisë së Serbisë dhe janë nisur drejt pikës kufitare në Jarinjë.
14:00 – Protestuesit mbajnë në dorë pankartën “Minishengeni – Shqipëria e Madhe”
Dhjetëra protestues serb në pikën kufitare në Jarinjë nga ana e Serbisë, janë parë duke mbajtur në dorë me pankartën “Toka është për te vegjlit dhe Mbretërinë e te Vegjëlve e Qielli gjithmonë për njeriun zot”.
Poshtë saj shkruhet “Minishengeni – Shqipëria e Madhe”.
13:58 – Televizioni rus raporton nga protesta në Jarinjë
Rrjetin televiziv “Russia Today” është parë duke raportuar nga protesta e organizuar në pikën kufitare në Jarinjë nga ana e Serbisë. RT e ka intervistuar një qytetar serb, i cili ka thënë se çdo marrëveshje që është nënshkruar në Bruksel e ka forcuar pavarësinë e Kosovës.
RT është prej televizioneve që i është ndalë transmetimi në vendet e BE-se si kundërpërgjigje për pushtimin që Rusia e nisi në Ukrainë.
Në mars të vitit 2022, Komisioni i Pavarur i Mediave kishte vendosur që të ndërprej transmetimin e kanaleve televizive ruse, si hap për “ndalim të propagandës që e ka për qëllim rrënimin e rendit demokratik botëror”.
13:44 – Disa protestues konsumojnë pije alkoolike në protestë
Disa nga protestuesit në Jarinjë janë parë duke konsumuar pije alkoolike.
13:41 – Dy persona të maskuar shkruajnë mbi një tabelë ‘Kosova dhe Metohija’
Dy persona të maskuar janë parë duke shkruar mbi një tabelë “Kosovo i Metohija është zemra e Serbisë” në Jarinje nga ana e Serbisë, nga ku janë mbledhura dhjetëra serb.
13: 37 – Pankarta me mbishkrimin “Marrëveshja e Brukselit” digjet nga protestuesit
Në protestën në pikën kufitare në Jarinje nga ana e Serbisë janë parë protestues duke djegur pankartë me mbishkrimin “Marrëveshja e Brukselit”
13: 31 Policia serbe me kordon per t’i penguar protestuesit në Jarinjë
Policia serbe ka vendosur kordon për t’i ndaluar për të hyrë në Kosovë.
13:25 – Nisë protesta në anën serbe në Jarinjë, ekstremistë të maskuar në turmë
Dhjetra qytetar janë duke protestuar në pikën kufitare në Jarinje nga ana e Serbisë.
Një pjesë e qytetarëve janë parë të maskuar, ndërsa në duar kanë flamuj të Serbisë.
Grupi i qytetarëve që janë duke protestuar në anën e Serbisë janë ndaluar një një kordon i Policisë së Serbisë.
Policia serbe ka vendosur kordon për t’i ndaluar për të hyrë në Kosovë.
13:09 KFOR vendosë gjembat dhe blindat në Jarinjë
KFOR ka krijuar një kordon me blinda dhe tela të gjembuar në zonën ku janë policia në Jarinjë.
Kordonet janë vendosur në mes bazës së policise kufitare dhe pikes kufitare e poashtu në pjesën e poshtme.
12:31 KFOR shton prezencën në veri
KFOR ka krijuar një kordon me blinda dhe tela të gjembuar në zonën ku janë policia në veri të vendit.
Kordonet janë vendosur në mes bazës së policise kufitare dhe pikes kufitare e poashtu në pjesën e poshtme. Situata e njëjtë është edhe në Bërnjak.
KALLXO.com mëson se në Jarinjë janë vendosur trupat amerikane, ndërsa në Bërnjak, janë vendosur polakë dhe letenozët.
Disa nga rrugët në veri të Kosovës, vazhdojnë të jenë të bllokuara për të nëntën ditë më radhë, si pasojë e vendosjes së barrikadave nga serbët lokalë si shenjë revolte ndaj arrestimit të ish-zyrtarit policor, Dejan Pantiq.
Policia e Kosovës ka njoftuar mbrëmë se gjatë natës ka vazhduar vendosja e një barrikade të re në lagjen Berxhane që shpie për në Zveçan, për të vazhduar pengimin e lirisë së lëvizjes së lirë edhe në rrugët alternative.
Sipas Policisë, që nga vendosja e barrikadave në veri të vendit, situata e sigurisë vazhdon të jetë e njëjtë dhe dy pikat kufitare në Jarinjë dhe Bërnjak vazhdojnë të jenë të mbyllura.
Më 10 dhjetor 2022 pasdite në veri janë dëgjuar alarmet. Pas këtyre alarmeve ka pasur grumbullim të qytetarëve serbë dhe bllokim të rrugëve me barrikada në Rudarë.
Policia e Kosovës ka njoftuar se për shkak të bllokimit të rrugëve ka mbyllur për qarkullimin në pikën kufitare në Jarinjë dhe u ka bërë thirrje qytetarëve që të përdorin pika të tjera kufitare për të hyrë në Kosovë ose për të dalë nga Kosova.
Bllokimi i rrugëve ka ardhur pas njoftimit se nga Policia e Kosovës është arrestuar ish-polici Dejan Pantiq. Sipas Policisë, Pantiq po dyshohet se ka organizuar sulmin në zyret e KKZ-së në veri të vendit me ç’rast ishin sulmuar zyrtarët e KQZ-së dhe zyrtarët policorë. Ai po mbahet në paraburgim për veprat penale terroriste dhe sulm kundër rendit kushtetues.
Më 8 dhjetor 2022, rreth orës 23:00, një veturë e Policisë së Kosovës derisa po patrullonte në fshatin Serbovc të Komunës së Zveçanit është sulmuar dhe nga ky sulm ka mbetur i plagosur një zyrtar policor. Një ditë më vonë, më 9 dhjetor, në orët e hershme të mëngjesit, persona të maskuar kanë sulmuar ekipin e KALLXO.com, i cili gjendej në Lagjen e Boshnjakëve për të raportuar në lidhje me zhvillimet atje.
