Xhamajka njeh Kosovën

Kosova është njohur nga shteti i Xhamajkës.

Kështu ka bërë të ditur presidenti i vendit, Hashim Thaçi, përmes një postimi në Twitter.

Ai ka shtuar se për këtë ka marrë njoftim nga ambasadorja e Kosovës në ShBA, Vlora Çitaku,

“Lajm i madh! Sapo jam njoftuar nga ambasadorja jonë, Vlora Çitaku, që Xhamajka e ka njohur Republikën e Kosovës si sovrane dhe të pavarur. E di që kjo është rezultat i punës së palodhur dhe lobimit të disa viteve, përfshirë Eliot Engel. Punë e mirë. Faleminderit miq të dashur nga Kingston!”, ka shkruar Thaçi.