Ramadan Musliu. Foto: Facebook
Vdiq shkrimtari dhe ish-deputeti Ramadan Musliu
Ka vdekur sot Ramadan Musliu, gazetar dhe shkrimtar.
Lajmi për vdekjen Musliut është bërë i ditur nga kolegë dhe bashkëpunëtorë të shkrimtarit.
Jusuf Buxhovi, shkrimtar dhe historian ka shkruan në Facebook për vdekjen e Musliut.
“Lamtumirë miku im, Ramadan Musliu. Kultura jonë mbeti pa krijuesin dhe intelektualin e madh. Ndërsa vepra ime mbeti pa redaktorin dhe mentorin e fjalës së fundit”, ka shkruar Buxhovi në Facebook.
Ramadan Musliu ka lindur në Beguncë të Komunës Vitisë më 1954. Studioi Letërsi dhe Gjuhën Shqipe në Fakultetin Filologjik të UP-së. Ishte gazetar, shkrimtar e publicist. Pas vetës la një krijimtari të begatë në letërsi. Është autori i dhjetëra veprave nga fusha e letërsisë.
Musliu ishe edhe Deputet i Kuvendit të Kosovës nga radhët e LDK-së nga 2004 deri më 2007.
Studime dhe kritikë letrare nga autori:
1990 – “Mbindërtimi poetik”, Prishtinë;
1998 – “Konfiguracione narrative”, Tiranë;
2005 – “Estetikja e dallueshme”, Prishtinë;
2010 – “Ekskurs në letërsinë për fëmijë”, Shkup;
2012 – “Tangjenta letrare”, Prishtinë;
1997 – “Vetëripërtëritja e totalitarizmit”, Tiranë, libër publicistik.
Libra me poezi:
1981 “Parodia e trupiut”, Prishtinë;
1985 “Shqisa e gjashtë”, Prishtinë;
1987 “Pasqyra e të rrëfyerit”, Prishtinë;
1996 “Kënga e sibilave”, Tiranë;
2004 “Në zemrën e gjërave”, Prishtinë.
Poezitë e Musliut janë përkthyer në anglisht, rumanisht, frëngjisht, serbisht, maqedonisht slllovenisht dhe janë prezantuar në antologjinë e poezive ndërkombëtare për vitin 2010. Ai është po ashtu fitues i disa çmimeve letrare.