Foto: Afrim Ejupi / KALLXO.com
Tentim vrasje ndaj një personi në Pejë
23.1.2023 - 10:59
Një person është plagosur me armë zjarri në mëngjesin e hershëm të ditës së djeshme në Pejë.
Rasti në fjalë që është iniciuar si “Vrasje në tentativë” është thënë se ka ndodhur në orën 05:15 më 22 janar 2023.
Siç ka njoftuar Policia e Kosovës, i lënduari është dërguar në emergjencë për tretman mjekësor dhe sipas mjekëve është jashtë rrezikut për jetë.
Tutje është thënë se lidhur me rastin janë ndërmarrë të gjitha veprimet e nevojshme për procedurat e mëtutjeshme.