Sot përfundon obduksioni për pesë anëtarët e familjes Bllaca në Gjilan
Pesë trupat e pajetë të familjes Bllaca nga Gjilani janë dërguar në Institutin e Mjekësisë Ligjore për t’u kryer obduksioni pas ngjarjes tragjike e cila ndodhi në Gjilan dje pasdite.
KALLXO.com ka biseduar me Drejtorin e IML-së, Arsim Gërxhaliu.
Ai ka treguar se ka mobilizuar ekipin dhe shtoi se gjatë ditës së sotme pritet të kryhen të gjitha obduksionet e pesë familjarëve Bllaca.
“Kemi mobilizuar ekipin për këtë rast sot pritet të kryhen të gjitha obduksionet,” tha shkurt Gërxhaliu.
Gjatë ditës së djeshme Komuna e Gjilanit u trondit nga një vrasje e shumëfishtë që ndodhi në rrugën “Bujanina”.
Një zyrtare policore dyshohet se mori armën në stacionin policor e më pas kreu vrasjen e katër familjarëve të tij e më pas kishte kryer edhe vetëvrasjen.
KALLXO.com vazhdimisht raportoi në lidhje me këtë rast.
