Policia e Kosovës
Rrahje mes të rinjve në Podujevë, njëri plagoset me thikë
03.9.2023 - 09:16
Natën e së shtunës, në qendër të qytetit të Podujevës një i mitur nga ky qytet ka mbetur i lënduar si pasojë e therjes me thikë.
Policia e Kosovës ka njoftuar se në sheshin e qytetit ka ndodhur një konflikt mes dy të miturve, ku njëri nga ta është plagosur me thikë.
“Viktima mashkull kosovar i mitur ka kërkuar tretman mjekësor në emergjencë pasi që ka pësuar lëndime nga i dyshuari mashkull kosovar i mitur. Lëndimet dyshohet se janë shkaktuar me thikë” – thuhet në njoftimin e Policisë së Kosovës.
I dyshuari është arrestuar dhe pas intervistimit, me vendim të Prokurorit është dërguar në mbajtje.