Prizreni shpërndan 92 motokultivatorë për fermerë
04.12.2019 - 14:28
Fermerë të zonave të ndryshme të Prizrenit janë pajisur me multikultivatorë.
Kështu ka njoftuar Kryetari i Komunës së Prizrenit, Mytaher Haskuka i cili tha se shpërndarja u bë në objektin e Kuvendit Komunal
“ Ndryshe nga viti i kaluar kur nga ky projekt përfituan 60 fermerë, sivjet këtë numër e kemi rritur dukshëm duke shpërndarë 92 motokultivatorë për fermerë të ndryshëm nga komuna jonë, të cilët janë shpallur përfitues nga një proces transparent sipas kritereve të përcaktuara nga thirrja publike “ thuhet në njoftimin e Haskukës.
Haskuka i ka uruar fermerët përfitues dhe u bëri thirrje të kenë më shumë përkushtim dhe vullnet në punën e tyre.