Përfundon gjykimi për krime lufte në Krushë të Vogël, të hënën merret vendimi
17.6.2020 - 12:31
Në mesin e protestave, sot është mbajtur seanca e fundit në gjykimin e Darko Tasiq, i akuzuar për krime lufte në Krushë të Vogël të Prizrenit.
Pasi prokurorja Drita Hajdari dhe mbrojtësit e të akuzuarit Darko Tasiq dhanë fjalët përfundimtare në këtë rast, gjykata e ka shpallur gjykimin e përfunduar.
22 qershori është caktuar data për shpalljen e vendimit të gjykatës, në një seancë që do të mbahet nga ora 13:30.
Tasiq dje kishte dalë para gjykatës pas 2 viteve që kur ka filluar gjykimi, por në kohën kur i erdhi koha të paraqiste mbrojtjen e tij nuk e tha asnjë fjalë para trupit gjykues.
Sot, banorë të Krushës së Vogël kanë protestuar para Gjykatës së Prizrenit për të kërkuar drejtësi lidhur me krimet e luftës.