Oda e Avokatëve mblidhet për zgjedhjen e 41 delegatëve për Kuvendin e Përgjithshëm
25.1.2020 - 11:18
Oda e Avokatëve të Kosovës filloi mbledhjen e kuvendit zgjedhor të Degës Regjionale të Prishtinës.
Gjatë këtij kuvendi pritet të zgjidhen 41 delegatë për kuvendin e përgjithshëm të Odës.
Me fillim të këtij kuvendi me propozimin e kryetarit të Degës Regjionale të Prishtinës, Nasuf Hasanit u vendos që kryesinë e punës së këtij kuvendi ta udhëheqin avokatët: Xhafer Maliqi, Dren Salihu, Ali Latifi, Ramë Dreshaj e Saranda Keqekolla.
Nga më tepër se 500 avokatë të kësaj dege do të zgjidhen 41 delegatë që do ta përfaqësojnë Odën e Avokatëve në Kuvendin e Përgjithshëm të Odës.