Numër rekord i rasteve të reja me COVID-19

Gjatë 24 orëve të fundit në vendin tonë janë shënuar 418 raste të reja me COVID-19.

Sipas Institutit Kombëtar të Shëndetësisë Publike, kjo shifër e rasteve të reja ka ardhur pas testimit të 1608 mostrave.

“Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 1.608 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 418 raste pozitive. Brenda 24 orëve janë raportuar katër raste të vdekjes me SARS CoV-2 pozitiv (1 rast Klinika e Kardiologjisë, QKUK, 1 rast Mjekimi Intenziv Qendror, QKUK, 1 rast Klinika e Pulmologjisë, QKUK dhe 1 rast Spitali i Përgjithshëm Prizren).”, thuhet në njoftim.

Numri total i rasteve positive në vend është 19.328 raste nga 92.706 persona të dyshimtë në virusin SARS-CoV-2 dhe 678 raste të vdekjes.