Një i burgosur në Dyz, porosit përmes telefonit vrasjen e një oficeri korrektues
29.1.2022 - 11:41
Një i burgosur në Burgun e Sigurisë së Lartë dyshohet se ka porositur një ish- të burgosur për të vrarë një oficer.
Sipas raporteve zyrtare të Policisë së Kosovës, porosia për vrasje është bërë përmes telefonit.
Policia këtë rast e kishte pranuar nga një zyrtar korrektues në këtë institucion.
Ky rast është duke u hetuar për kanosje të zyrtarit.
Rasti është raportuar gjatë ditës së djeshme.
“Ankuesi mashkull kosovar, oficer korrektues në burgun e sigurisë së lartë, ka informuar se i burgosuri mashkull kosovar përmes telefonit ka porositur ish të burgosurin tjetër të dyshuarin mashkull kosovar që ta vras oficerin. Rasti është duke u hetuar”, thuhet në raportin e policisë.