Nëna raporton rrëmbimin e djalit, Policia e kuptoi se rasti u inskenua nga vetë ai

Një person është arrestuar nga Policia nën dyshimin se ka inskenuar ngjarjen e rrëmbimit të tij.

Ngjarja ka ndodhur mbrëmë në fshatin Nekoc në Drenas.

Sipas Policisë rastin e kishte raportuar nëna e tij.

“Ankuesja ka informuar se persona të panjohur i kanë rrëmbyer djalin e saj”, ka njoftuar Policia.

Në njoftim thuhet se njësia përkatëse policore pas hetimit kanë arrit të gjejnë viktimën dhe i njëjti është arrestuar si i dyshuari pasi që kishte inskenuar ngjarje.

Me vendim të prokurorit i dyshuari është dërguar në mbajtje.