Foto: Ilustrim
Ndalohet i dyshuari për vrasjen e djeshme në Pejë
19.5.2021 - 21:16
Sot në orët e pasdites është prangosur Xhevdet Januzaj, i dyshuari për vrasjen e djeshme në Pejë.
Lajmin për ndalimin e të dyshuarit për KALLXO.com e ka konfirmuar zëdhënësi i Prokurorisë së Pejës, Shkodran Nikçi.
“Me urdhër të Prokurorisë është ndaluar i dyshuari. I njëjti është në ndalim prej 48 orësh”, ka thënë Nikçi.
Ai tha se brenda afatit Prokuroria do të parashtrojë kërkesë për caktimin e paraburgimit.
KALLXO.com merr vesh i dyshuari është dorëzuar në Polici.
Januzaj po dyshohet se është autori i vrasjes që ndodhi dje rreth orës 15:35 në një lokal në rrugën “Gjin Gazulli” në Pejë.
KALLXO.com raportoi se viktima një ditë para se të vritej kishte shkuar në Policinë e Pejës dhe ishte ankuar se po përcillej nga i dyshuari.