MSh dhe UNICEF nënshkruajnë marrëveshje për vizitat mjekësore në shtëpi
Ministri i Shëndetësisë, Rifat Latifi dhe shefja e Zyrës së UNICEF-it në Kosovë, Nona Zicherman, kanë nënshkruar sot marrëveshje të bashkëpunimit për planin e vizitave mjekësore në shtëpi.
Programi i vizitave në shtëpi për shëndetin dhe mirëqenien e nënës dhe fëmijës ka filluar të zbatohet në Kosovë në vitin 2014. Aktualisht ky program është i integruar në sistemin e kujdesit parësor shëndetësor dhe zbatohet në 22 komuna të vendit.
Sipas komunikatës, programi i vizitave në shtëpi ka për qëllim përmirësimin e qasjes në shërbime të kujdesit parësor shëndetësor për gratë shtatzëna, fëmijët nën 3-vjeç dhe prindërit e tyre, veçanërisht për familjet e cenueshme.
Programi i vizitave mjekësore në shtëpi zbatohet nga MSh dhe Kujdesi Parësor Shëndetësor, me përkrahjen e Zyrës së UNICEF-it në Kosovë, përmes fondeve të Qeverisë së Luksemburgut.
