Mediat gjermane: Kancelari Scholz del me shpejtësi nga aeroplani pas alarmit për sulm me raketa në Tel Aviv

Mediat gjermane po raportojnë se kancelari Olaf Scholz dhe delegacioni i tij kanë dalë me shpejtësi nga aeroplani pas ndezjes së alarmit për sulm të mundshëm me raketa.

Ngjarja ka ndodhur në kryeqytetin izraelit, Tel Aviv, prej ku kancelari dhe delegacioni i tij po bëheshin gati të fluturonin drejt kryeqytetit të Egjiptit, Kajro, raporton “Die Welt.”.

Zëvendëskryeredaktori i “Die Welt”, Robin Alexander, i cili ka udhëtuar me kancelarin, bashkë me reporterë të tjerë, tha se atyre iu desh të shtriheshin në asfalt, në pistë, për t’u mbrojtur.

Ai tha se kancelari nuk u shtri por vrapoi drejt një kontejneri aty pranë.

Robin Alexander tha se pa që mbrojtja izraelite u përgjigj për të asgjësuar raketat mbi aeroportin e Tel Avivit.

Kancelari Scholz është takuar me kryeministrin izraelit Benjamin Netanyahun, të cilit i ka dhënë mbështetje pas sulmit me raketa nga organizata palestineze Hamas.

Kanzlermaschine in Tel Aviv vor Abflug geräumt, weil Alarm. Alle liegen auf Rollfeld für Deckung. Zwei Raketen erkennbar von Iron Dome getroffen über Flughafen. @welt pic.twitter.com/vZfqLGQQYY

— Robin Alexander (@robinalexander_) October 17, 2023