Dushko Markoviq, kryeministër i Malit të Zi. Foto: Qeveria e Malit të Zi
Mali i Zi ua përgjysmon rrogat punonjësve publikë
24.4.2020 - 17:43
Kryeministri malazez Dushko Markoviq sot ka njoftuar se pagat e punonjësve publikë do të ulen me 50 përqind për shkak të ndikimit të pandemisë së coronavirusit në ekonominë e vendit.
Markoviq gjithashtu tha se në prill, maj dhe qershor, qeveria do të paguajë 222 euro rroga mujore për punonjësit e të gjitha kompanive që nuk mund të funksiononin për shkak të pandemisë.
“Qeveria është e gatshme të mbajë barrën dhe përgjegjësinë e këtij momenti kritik. Do të jetë më e vështirë se në 50 vitet e kaluara, por ne do të luftojmë për çdo punë”, deklaroi ai.