Largohet fotoja e Presidentit nga Kuvendi
Gjatë pauzës që Kuvendi i Kosovës pati nga seanca plenare, fotoja e Presidentit të Kosovës Hashim Thaçi u largua nga vendi ku ishte ngjitur gjatë seancës.
Deputeti i PDK-së, Mërgim Lushtaku e vendosi fotografinë e Presidentit prapa karrikes së Kryetares së Kuvendit, Vjosa Osmani.
Ai këtë e bëri në shenjë proteste të largimit të fotos së Presidentit nga zyra e Kryeparlamentares.
Në ndërkohë u mbajt seanca e Kryesisë së Kuvendit ku Deputeti i PDK-së, Memli Krasniqi tha se edhe pse e ka zhvendosur kryetarja e Kuvendit Vjosa Osmani nga zyra e saj, të paktën e kanë në Kuvend.
Megjithatë, pak para se seanca plenare të rinis, fotoja e Presidentit nuk u pa e vendosur.
Megjithatë, një burrë që KALLXO.com merr vesh se është punëtor i Kuvendit e ka sjellë fotografinë e Presidentit dhe e ka vendosur te ulëset e deputetëve të PDK-së.
Për pak minuta pritet të vazhdojë seanca për formimin e komisioneve parlamentare.
