Lajçak: Me Petkoviqin folëm për draft-statutin e Asociacionit, me Kosovën vazhdojmë diskutimet në fund të javës

Emisari i Bashkimit Europian për Dialogun Kosovë- Serbi, Mirosllav Lajçak, ka takuar sot drejtorin e  Zyrës për Kosovën në Qeverinë e Serbisë, Petar Petkoviq.

Lajçak thotë se me Petkoviqin kanë diskutuar për draft-statutin e Bashkimit Europian për Asociacionin e komunave me shumicë serbe, teksa shtoi se diskutimet me Kosovën do t’i vazhdojë në fund të kësaj jave.

“Me kryenegociatorin serb, Petar Petkoviq, fola për draft-statutin e BE-së të Asociacionit të komunave me shumicë serbe, hapat e ardhshëm për zbatimin e Marrëveshjes për rrugën drejt normalizimit dhe obligimet në pritje. Do të vazhdoj diskutimet me Kosovën në fund të kësaj jave”- ka shkruar Lajçak në platformën “X”.

With Serbian Chief negotiator @PetkovicPetar, I spoke about the 🇪🇺 draft statute of the Association of Serb majority municipalities, next steps to implement the Agreement on the Path to Normalisation and pending obligations. Will continue discussions with Kosovo later this week. pic.twitter.com/kvVDV6ibL2

— Miroslav Lajčák (@MiroslavLajcak) December 11, 2023

Drejtori i Zyrës për Kosovën në Qeverinë e Serbisë, Petar Petkoviq, tha se bisedoi të hënën në Bruksel me të dërguarin e posaçëm të Bashkimit Europian për dialogun Kosovë-Serbi, Mirosllav Lajçak, për marrëveshjet e arritura mes dy vendeve deri tani, në veçanti për themelimin e Asociacionit të komunave me shumicë serbe në Kosovë.a

Ai njoftoi në rrjetin social “X” se një ekip ekspertësh nga Beogradi morën pjesë në bisedimet për formimin e Asociacionit të komunave me shumicë serbe në Kosovë dhe hartimin e draft-statutit të tij.

Petkoviqi thotë se bisedoi me Lajçakun për themelimin e Asociacionit