Komuna e Prishtinës fton qytetarët në takim publik për hartimin e planit zhvillimor
11.12.2020 - 16:08
Komuna e Prishtinës ka njoftuar se me datë 16 dhe 17 dhjetor do organizohen takime –konsulta publike lidhur me procesin e Hartimit të Planit Zhvillimor Komunal.
Komuna thekson se këto takime do organizohen përmes platformës ZOOM.
Temat që diskutohen në këto takime janë: Demografia e Komunës, Zhvillimi ekonomik, Infrastruktura teknike, Infrastruktura e transportit dhe transporti, Infrastruktura publike dhe sociale, Mjedisi dhe sipërfaqet me rrezikshmëri, Asetet e trashëgimisë natyrore, kulturore dhe turistike, Vendbanimet, Banimi, Vendbanimet Joformale (VJF) dhe Shfrytëzimi i tokës.
Linçet për tu bërë pjesë e diskutimit në këto tema mund t’i gjeni në Facebook të Komunës dhe në Web faqen Prishtinaonline.