Foto: KALLXO.com
Kërcënohet kryetari i Prishtinës dhe asistenti i tij
Gjatë ditës së sotme është kërcënuar në objektin e Komunës së Prishtinës, kryetari Shpend Ahmeti.
KALLXO.com mëson se përveç kryetarit Ahmeti është kërcënuar edhe asistenti i tij.
Lidhur me këtë KALLXO.com ka kontaktuar Policinë e Rajonit të Prishtinës.
Zëdhënësja e Policisë, Florie Ahmeti- Haziraj, ka konfirmuar se një kanosje është raportuar gjatë ditës së sotme në stacionin policor Qendra në Prishtinë.
“Sot rreth orës 11:00, ne stacionin policor Qendra është iniciuar një rast Kanosje ndaj personit zyrtar. Rasti ka ndodhur në rrugën “UÇK” në Prishtinë, saktësisht në objektin e Komunës. Me rastin po merren njësitet kompetente”, tha Ahmeti- Haziraj për KALLXO.com.
Tutje, KALLXO.com ka kërkuar të marrë një deklaratë edhe nga i pari i Prishtinës.
I njëjti nuk ka qenë i qasshëm në telefon.