Anton Jupa. Foto: Kallxo.com
Jupa: Mishi i prishur nuk u Importua nga ‘Euro Ida’
Raportimet e mediave të Belgjikës se mishi i importuar në Kosovë nga kompania ‘Euro Ida’ ka qenë 12 vjet i vjetër, pronari i Anton Jupaj ka quajtur shpifje.
Në një intervistë ekskluzive për Kallxo.com, ai ka thënë se i posedojnë gjitha dokumentet e importit dhe të cilësisë.
Jupa ka thënë se mishi i asgjësuar në vitin 2016 që u importuar nga kompania Veviba nuk ishte importuar nga kompania e tij, Euro Ida. Thotë se këtë mish të asgjësuar, që është bërë shkas i hetimit në Belgjik, e ka importuar një kompani tjetër kosovare, të cilës nuk ia ka përmendur emrin.
Por, Jupa e ka pranuar se tri herë ka importuar mish nga kompania belge, Veviba. Ka thënë se këto tri importe janë lejuar në Kosovë, pas vlerësimeve që janë bërë nga Dogana e Kosovës dhe Agjencia e Veterinës dhe Ushqimit.
Thotë se i posedon të gjitha dokumentet e nevojshme se importi është kryer në mënyrë të rregullt. Po ashtu, Jupa thotë të mos ketë pasur asnjë dyshim për cilësinë e mishit të importuar nga kompania Veviba.
“Është shumë e vërtetë që ne i kemi tri importe nga kompania VEVIBA, dhe kemi dy importe nga kompani tjera”, ka thënë Jupa.
Ai ka treguar se nga kompania “Veviba” kanë blerë importin e parë me 23.03.2016-të, mish të gjedhit. Të viçit dhe lopës. I cili sipas tij ka qenë për industri të përpunimit.
“Kemi importuar mish të gjedhit nga Veviba me 23.05.2016 dhe dërgesën tjetër e kemi me 13 të dhjetit të gjashtit. Dhe një asnjë rast nuk kemi patur konfiskim të importit “, ka rrëfyer pronari I kompanisë Euro Ida.
Jupa e ka arsyetuar çmimin e ulët me nivelin e ulët të klasës së mishit. Thotë se ky llojë i mishit që është importuar dhe paguar me këtë çmim të lirë përdorët vetëm për përpunim, përkatësisht prodhimin e suxhukut industrial.