Interpretimi i Thaçit për deklaratën e QUINT-it: Ndajnë kërkesat e mia
Presidenti i Kosovës, Hashim Thaçi mirëpritur deklaratën e shteteve të QUINT-it të cilat kanë kërkuar nga liderët institucional dhe politik që të përqendrohen në luftën kundër virusit COVID – 19, duke respektuar Kushtetutën dhe kompetencat që u janë dhënë përmes saj.
Thaçi përmes një cicërime në Twitter, ka thënë beteja për luftën ndaj coronavirusit nuk duhet të përdoret si betejë politike.
“E mirëpres deklaratën e vendeve të QUINT-it që ndajnë kërkesat me ato të miat për respektimin e Kushtetutës dhe ligjeve, si dhe përqendrimin në luftën kundër coronavirusit, në vend që kjo të përdoret për betejat politike. Mirëqenia e qytetarëve tanë është thelbësore për të gjithë ne”, ka shkruar presidenti.
Welcome the statement by Quint countries sharing my demands to all in #Kosovo to respect Constitution & laws, democratic function of institutions & focus on fighting #COVID19 instead of using it for political battles. Citizens’ well-being is a paramount priority for all of us
— Hashim Thaçi (@HashimThaciRKS) March 24, 2020
Qeveria e Kosovës ka marrë vendim për ndalimin e qarkullimit të qytetarëve dhe automjeteve pritet të ndahet në dy kohë të ndryshme. Nga ora 10:00 e mëngjesit deri në ora 16:00 pasdite dhe prej orës 20:00 në mbrëmje deri në ora 06:00 në mëngjes.
Ndërsa këtë vendim presidenti e ka dërguar në Gjykatën Kushtetuese ku ka kërkuar të vendoset masë ndaj këtij vendimi si dhe i ka shkruar letër Kurtit duke i kërkuar pezullimin e vendimit.
Përmes një deklarate të përbashkët, ambasadorët e Francës, Gjermanisë, Italisë, Mbretërisë së Bashkuar dhe Shteteve të Bashkuara, i kanë bërë thirrje liderëve institucional dhe politik që të përqendrohen në luftën kundër virusit COVID – 19, duke respektuar Kushtetutën dhe kompetencat që u janë dhënë përmes saj.