UK in Kosovo/Twitter
I dërguari i Britanisë së Madhe viziton ushtarët në Bondsteel
I dërguari i posaçëm i Mbretërisë së Bashkuar për Ballkanin Perëndimor, Lord Stuart Peach gjatë ditës ka vizituar ushtarët e ardhur së fundi në kampin Bondsteel.
Në një njoftim të ambasadës së Britanisë bëhet e ditur se Peach i përgëzoi ata për kontributin e tyre në mandatin e KFOR-it për ruajtje të paqes dhe sigurisë.
“Në fund të vizitës së tij në Kosovë Lord Peach bëri një vizitë tek Ushtarët e Britanisë së Madhe në Kampin Bondsteel. Lord Peach i përgëzoi për zbarkimin e tyre të shpejtë dhe profesional dhe i falënderoi për kontributin e tyre në mandatin e KFOR-it për të mbajtur paqe dhe një mjedis të sigurt”- thuhet në njoftim.
At the end of his visit to 🇽🇰 Lord Peach paid a visit to 🇬🇧 Soldiers in Camp Bondsteel.
Lord Peach praised them for their rapid & professional deployment & thanked them for their contribution to KFOR’s mandate to maintain a safe & secure environment during their deployment. pic.twitter.com/NoVXgyElF3
— UK in Kosovo 🇬🇧 (@UKinKosovo) December 2, 2023
Stuart Peach gjatë vizitës së tij është takuar edhe me kryeministrin e Kosovës Albin Kurti diskutuan për marrëdhëniet dypalëshe, zhvillimet e fundit dhe situatën e sigurisë në vend, përkatësisht në kufirin me Serbinë pas sulmit terrorist dhe paramilitar në Banjskë dy muaj më parë, dhe dislokimin përgjatë kufirit të sistemit kundërajror të ushtrisë serbe, e vetmja në Europë që operon me armatim dhe sistem raketor kinez, sikurse ai FK-3.
Britania e Madhe dërgoi trupa shtesë në Kosovë pas sulmit terrorist ndaj Policisë së Kosovës në fshatin Banjskë të Zveçanit më 24 shtator.
