Grenell sulmon sërish Albin Kurtin
Ish i dërguari i ish-presidentit amerikan Donald Trump për bisedimet Kosovë-Serbi, Richard Grenell, ka vazhduar me sulmet e tij ndaj liderit të Lëvizjes Vetëvendosje, Albin Kurtit.
Ai përmes rrjetit Twitter ka shpërndarë një shkrim ku Kurti kishte thënë se do votonte për bashkimin e Kosovës me Shqipërinë.
Grenell ka thënë se kjo duhet të dënohet nga administrata e Joe Bidenit.
“Kjo duhet të dënohet nga Biden dhe administrata e tij. Pse po flet Albin Kurti për shkatërrimin e vendit të tij,” ka shkruar Grenell.
Richard Grenell edhe para pak ditëve kishte reaguar lidhur me deklaratat se Qeveria e re do ta rishqyrtojë vendin e ambasadës së Kosovës në Izrael, duke thënë se Albin Kurti ka qenë gjithmonë një anti-amerikan.
Grenell vazhdon kritikat ndaj Kurtit