Foto-ilustrim
Goditet një këmbësor në Barilevë, dërgohet në QKUK
31.5.2021 - 22:30
Një këmbësor i moshës 22-vjeçare është goditur sonte nga një veturë në fshatin Barilevë.
Këtë e ka konfirmuar për KALLXO.com zëdhënësi i Policisë së Kosovës për rajonin e Prishtinës, Agron Borovci.
Ai ka treguar se incidenti ka ndodhur në ora 19:30.
“Rreth orës 19:30, në fshatin Barilevë ka ndodhur një aksident i komunikacionit rrugor në mes të një automjeti dhe një këmbësori. Si pasojë e aksidentit këmbësori i moshës 22 vjeç ka pësuar lëndime dhe i njejti është dërguar në QKUK për trajtim mjekësor”, tha Borovci.
Ai shtoi se me rastin po merren hetuesit e trafikut rajonal.