Foto: Policia e Kosovës
Gjobiten shoferët që me vetura bllokuan kontejnerët e bërllokut
07.7.2022 - 20:34
Policia e Kosovës ka gjobitur 16 shoferë të cilët duke parkuar automjetet te kontejnerët e mbeturinave ua kanë bllokuar qasjen qytetarëve por edhe kompanisë që mbledh mbeturinat.
Policia tha se gjobat janë për kundërvajtjen e parkimit të parregullt.
“Duke parë që disa pjesëmarrës në trafik po bllokojnë qasjen në kontejnerët e mbeturinave edhe për qytetarët por edhe për ndërmarrjen pastrimi, ndaj tyre vetëm paraditen e sotme policia në kryeqytet ka shqiptuar 16 masa administrative me gjobë për kundërvajtjen e parkimit të pa rregullt”, tha për KALLXO.com, zëdhënësi i Policisë së Kosovës, Agron Borovci.