Policia e Kosovës në bashkëpunim me Komunën e Prishtinës dhe Federatën e Basketbollit të Kosovës, me rastin 1 Qershorit “Ditës Ndërkombëtare të Fëmijëve” kanë organizuar disa aktivitete të përbashkëta.
Këto aktivitete janë mbajtur në sheshin “Skënderbeu” pranë Teatrit Kombëtar.
Aktivitetet kanë filluar në ora 12:00 dhe kanë përfunduar rreth orës 13:30.
Disa nga këto aktivitete kanë qenë hapja e skemës programore dhe organizimi i lojës së basketbollit.
Pjesë e këtij aktiviteti kanë qenë policët, anëtarë të Federatës së Basketbollit dhe disa fëmijë të përzgjedhur.
Pjesëmarrës në këtë event kanë qenë dhe Ministri i Punëve të Brendshme, Xhelal Sveçla si dhe Drejtori i Policisë, Samedin Mehmeti.
Pas përfundimit të lojës policia dhe basketbollistët kanë shpërndarë medalje për fituesit e lojës.
Pas shpërndarjes së medaljeve, para fëmijëve dhe pjesëmarrësve të tjerë është bërë prezantimi i njësive të Policisë së Kosovës, përfshirë këtu njësitin e motoçiklistëve, njësitin me qen, njësitin e biçiklistëve dhe skuterëve si dhe Njësiti i Reagimit të Shpejtë.
Në fund, të gjithë pjesëmarrësit kanë përfunduar programin me muzikë dhe vallëzim.