Edi Rama dhe Aleksandar Vuçiq, Foto: Telegrafi
Edi Rama fton Serbinë ta pranojë marrëveshjen e BE-së
Kryeministri i Shqipërisë ka kërkuar sot nga Serbia që pranojë propozimin e BE-së në lidhje me dialogun Kosovë-Serbi.
Rama shkruan në platformën X se pas pranimit të propozimit, Kosova ndodhet në një pozitë shumë më të mirë.
“Është koha kritike që Serbia të bëjë të njëjtën gjë. Çdo gjë e pranuar dhe dakordësuar deri tani duhet të zbatohet pa vonese. U bëj thirrje partnerëve tanë perëndimorë që të mbajnë këtë momentum dhe të shtyjnë palët drejt zgjidhjes përfundimtare”, shkruan mes tjerash Rama.
Tutje në shkrimin e tij, Rama thotë “mjaft më me shmangien e paqes dhe ushqimin e fantazma të së kaluarës për hir të vogëlsisë së politikës së brendshme”.
Kryeministri shqiptar bëri ftesë për paqe dhe ecje përpara.
Urtësia e popullit shqiptar dhe jo vetëm e tij në fakt, mëson se “më mirë vonë se sa kurrë”. Nuk mund ta fsheh kënaqësinë time që udhëheqja e Kosovës më në fund bëri gjënë e duhur në takimin e djeshëm të Brukselit! Duke pranuar me mençuri propozimin e BE-së më 21 tetor Kosova sot…
— Edi Rama (@ediramaal) October 27, 2023
Kryeministri kosovar Albin Kurti, të enjten tha se ka pranuar marrëveshjen bazike dhe se ka ofruar edhe nënshkrimin e tij.