Policia e Kosovës
E mitura nga Kllokoti u dhunua dhe më pas lindi fëmijë, arrestohet i dyshuari nga Shqipëria
23.5.2022 - 11:00
Një e mitur nga Kllokoti raportohet se është dhunuar seksualisht nga një i dyshuar, shtetas i Shqipërisë.
Vajza më pas ka mbetur shtatzënë dhe e ka lindur fëmijën në spitalin e Gjilanit.
Kjo është bërë e ditur në raportin 24-orësh të Policisë së Kosovës.
Policia e ka arrestuar të dyshuarin në Kllokot, më 22 maj rreth orës 01:10.
Tutje organet e rendit njoftojnë, se rastin e ka raportuar në Polici nëna e viktimës pasi që vajza e saj kishte lindur në spitalin e Gjilanit fëmijën jashtëmartesor.
Pas intervistimit, me vendim të prokurorit i dyshuari për veprën e dhunimit është dërguar në mbajtje.
Sipas PK, rasti është duke u hetuar.