Donika Kadaj Bujupi emërohet këshilltare e Osmanit
Presidentja e Kosovës, Vjosa Osmani, ka emëruar sot Donika Kadaj Bujupin, këshilltare në kabinetin e saj.
Kështu ka njoftuar Presidenca përmes një postimi në Facebook.
“Znj. Kadaj Bujupi ka përvojë të gjatë parlamentare, si deputete e Kuvendit të Republikës së Kosovës në pesë mandate, ku ka shërbyer në komisione të ndryshme, përfshirë atë të politikës së jashtme, integrimit evropian, arsimit” – thuhet në komunikatë.
Sipas njoftimit, Kadaj- Bujupi do të angazhohet, ndër të tjera, në fushën e komunikimit publik dhe marrëdhënieve ndërkombëtare.
“Përvoja e saj e gjatë profesionale do të kontribuojë edhe më shumë në arritjen e objektivave të Kabinetit të Presidentes dhe avancimit të mëtutjeshëm të punës së Presidencë” – thuhet në njoftim.
Në të kaluarën, Kadaj -Bujupi ka qenë deputete në grupin parlamentar të Aleancës për Ardhmërinë e Kosovës.
Në vitin 2017, Kadaj-Bujupi nga AAK kishte kaluar në Lëvizjen Vetëvendosje për të kandiduar për deputete me këtë listë.
Mirëpo një vit më pas, ajo u rikthye sërish në grupin parlamentar të AAK-së.