Disa të vrarë nga të shtënat në një kishë në Hamburg
10.3.2023 - 00:02
Disa persona janë vrarë nga të shtënat në një kishë në Hamburg të Gjermanisë, thonë mediat lokale, raporton bbc.com.
Sipas Policisë gjermane nuk është e qartë nëse sulmuesi ishte një nga gjashtë viktimat.
Bëhet e ditur se banorëve aty pranë u është kërkuar që të mos largohen nga shtëpitë e tyre teksa operacioni po vazhdon.
Pamjet treguan policinë që shoqëronte njerëzit jashtë qendrës, disa në ambulanca.
Më herët, policia tha se nuk ka informacion të besueshëm mbi motivin e krimit dhe i bëri thirrje publikut që të mos ndajë supozime ose të përhapë thashetheme.