Foto: Ilustrim
Digjet një fabrikë në Podujevë
02.11.2019 - 12:21
Një fabrikë prodhimi është kapluar nga zjarri orët e para të mëngjesit të djeshëm.
Pronari i fabrikës është ankuar në polici se në rrethana të panjohura është përfshirë nga zjarri fabrika e prodhimit të parketit.
Ngjarja ka ndodhur në fshatin Obranqë të Komunës së Podujevës.
Policia gjithashtu ka njoftuar edhe se me të marrë informacionin, njësitet e policisë dhe zjarrfikësit kanë dalë në vendin e ngjarjes.
Përveç dëmeve materiale, policia nuk ka njoftuar për ndonjë person të lënduar.
Gjithashtu në njoftim nuk tregohet nëse po hetohet rasti ndërsa është cilësuar si shkaktim i rrezikut të përgjithshëm.