Çagllavicë, 9 automjete të përfshira në aksident trafiku, dy persona të lënduar
12.4.2023 - 18:13
Dy persona kanë pësuar lëndime trupore në një aksident trafiku, në të cilin janë përfshirë nëntë makina.
Aksidenti ka ndodhur në Çagllavicë.
Zëdhënësja e Policisë për rajonin e Prishtinës, Florie Ahmeti, bëri të ditur se tri prej makinave kanë qenë në lëvizje kurse gjashtë të parkuara.
“Sot rreth orës 15:20 kemi pranuar informatën se në Çagllavicë, ka ndodhur një aksident trafiku. Në këtë aksident kanë qenë të përfshirë 9 automjete (tri kanë qenë në lëvizje dhe gjashtë të parkuara). Si pasojë e aksidentit lëndime trupore kanë pësuar 2 persona”- bëri të ditur Ahmeti për KALLXO.com.
Sipas saj, me rastin po merret njësiti i trafikut.