Banorët e Miradisë së Epërme bllokojnë rrugën në shenjë proteste (FOTO)
29.6.2021 - 10:08
Disa banorë të fshatit Miradi e Epërme sot kanë bllokuar rrugën në shenjë proteste për asfaltimin e rrugëve dhe rregullimin e kanalizimit.
Nga disa foto të siguruara nga KALLXO.com, shihet se kërkesa e tyre është që të shtrohet rruga në gjatësi prej 75 kilometrave, trotuari, dhe shiriti gjelbërues.
Po ashtu, në pankartat që protestuesit mbanin në duar kërkohej edhe rregullimi i kanalizimit atmosferik dhe fekal si dhe ndriçimi i rrugës.
Rruga është hapur nga ana e protestueseve pas diskutimeve me komandantin e stacionit Policor.
