Komuna e Prizrenit
Arrin në 69 numri i të infektuarve në Prizren
30.4.2020 - 23:12
Instituti Kombëtar i Shëndetësisë Publike ka njoftuar se nga 243 mostra të testuara sot, 7 prej tyre kanë dalë pozitive me virusin COVID-19.
Sipas njoftimit të IKShPK-së, 5 prej rasteve të konfirmuara janë nga komuna e Prizrenit, duke e rritur numrin e të infektuarve në këtë komunë në 69.
Po ashtu, IKShPK ka bërë të ditur se gjatë ditës së sotme janë shëruar edhe 22 pacientë, duke e çuar numrin e të shëruarve në 271.
Ndërsa në total, numri i të infektuarve në Kosovë ka arritur në 806, kurse 22 kanë vdekur.
