Albin Kurti kërkon ndërhyrje kundër “Zajdnicës”
Në një deklaratë në rrjetet sociale, Kryetari i Vetëvendosjes Albin Kurti, ka thënë se bosnjëzimi i Kosovës nuk është bërë duke u synuar direkt, mirëpo, sipas tij, është bërë duke kërkuar shkëmbim territorial në mes të Serbisë dhe Kroacisë. Kurti ka vlerësuar tutje se duhet nxjerrë mësim nga paqja e Bosnjes, dhe të ndërhyjnë kundër “Zajednicës së Thaçit me Vuçiqin”.
“Bosnjëzimi nuk u bë duke u synuar direkt, por teksa kërkohej ndarja e Bosnjes apo shkëmbimi territorial midis Serbisë e Kroacisë. NATO-ja pat nxjerrur mësim nga lufta e Bosnjes dhe ndërhyri te Kosova kundër Jugosllavisë së Milosheviqit. Ne duhet të nxjerrim mësim nga paqja e Bosnjes dhe të ndërhyjmë kundër ‘Zajednicës’ së Thaçit me Vuçiqin”, ka shkruar Kurti në Facebook. Lëvizja e Kurtit ka ndërrmarrë aksione të vazhdueshme me protesta kundër asociacionit të komunave.
