Ilustrim. Foto: KALLXO.com
Aktakuzë për terrorizëm, kosovari dyshohet se luftoi në Siri
15.12.2021 - 13:44
Prokuroria Speciale ka ngritur aktakuzë ndaj kosovarit me inicialet F. D. nën dyshimin se i njëjti ka marrë pjesë në luftërat në Siri.
Sipas prokurorisë i njëjti dyshohet që me dashje dhe përgatitje paraprake i është bashkangjitur organizatës terroriste ISIS dhe ka depërtuar në brendi të Sirisë.
Më pas i njëjti pasi ishte regjistruar në këtë organizatë ka marrë pjesë sipas prokurorisë edhe në luftërat e Sirisë.
Ndaj të dyshuarit është ngritur aktakuza për veprën penale ‘organizim dhe pjesëmarrje në grup terrorist’.