Aksioni i Inspektoriatit të Punës - Kamarierja punonte këngëtare dhe valltare

Sonte në emisionin #KallxoPernime po transmetohet emisioni ‘Rregullat e sigurisë në punë dhe të drejtat e punëtoreve në biznese të cilat veprojnë gjatë natës’.

Në kuadër të aksionit të Inspektoratit të Punës, i cili është zhvilluar në rajonin e Ferizajt, i cili ka zgjatur tre ditë.

Në ditën e dytë të aksionit janë inspektuar lokale të muzikës live.

Gjatë aksionit është vërtetuar se bizneset kanë mungesë të kontratave të punës së punëtorëve, histori të punëtorëve apo ndonjë vendim.

Inspektorët kanë konstatuar se pajisjet e fikjes së zjarrit kanë afat të skaduar, ndërsa pronarit i bëhet me dije se do të ndëshkohet.

Në njërin nga rastet në kontratë punëtorja është e deklaruar si kameriere, ndërsa deklaron se është këngëtare dhe valltare.

Aksion i ngjashëm ka vazhduar edhe në ditët e tretë në të cilën janë gjetur biznese të cilat nuk kanë respektuar të drejta e punëtorëve.