Aksident trafiku në rrugën Prishtinë-Podujevë, një i lënduar
08.6.2023 - 17:18
Një aksident trafiku në mes dy veturave ka ndodhur sot në rrugën Prishtinë-Podujevë.
Si pasojë e aksidentit një person ka mbetur i lënduar.
Lajmin për KALLXO.com e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
Ajo ka treguar se aksidenti ka ndodhur rreth orës 15:30.
Tutje Ahemti ka thënë se njësia rajonale e trafikut po merret me rastin.