Ilustrim - Policia në aksion
Aksident në Fushë-Kosovë, rrokulliset një BMW X5
14.12.2020 - 23:48
Një aksident trafiku ka ndodhur para pak orëve në Fushë-Kosovë.
Lajmin për KALLXO.com e ka konfirmuar zëdhënësja e Policisë në rajonin e Prishtinës, Florie Ahmeti.
Ahmeti ka bërë të ditur se si pasojë e aksidentit, një person ka pësuar lëndime trupore.
“Rreth orës 20:00, kemi pranuar informatën për një aksident trafiku në rrugën “Nëna Terezë”, në Fushë-Kosovë. Si pasojë e aksidentit lëndime trupore ka pësuar një person”, ka thënë Ahmeti.
Ajo tutje ka shtuar se i lënduari është dërguar për tretman mjekësor, ndërsa me rastin po merret njësiti i trafikut.
KALLXO.com merr vesh se në këtë aksident është rrokullisur një veturë BMW X5.