![](https://kallxo.com/wp-content/uploads/2021/09/lajmi-i-funditt-720x378.jpg)
Aksident mes një kamioni dhe një furgoni në Klinë, dy persona të lënduar
Dy persona kanë pësuar lëndime trupore si pasojë e një aksidenti trafiku që ka ndodhur sot rreth orës 16:40 në fshatin Drenoc të Klinës.
Të lënduarit kanë marrë tretman mjekësor në Emergjencën e Spitalit të Pejës.
Lajmin për KALLXO.com e ka konfirmuar zëdhënësi i Policisë për rajonin e Pejës, Fadil Gashi.
Gashi ka bërë të ditur se në këtë aksident kanë qenë të përfshira një kamion dhe një kombi-bus.
“Sot rreth orës 16:39 minuta policia është njoftuar për një aksident trafiku në magjistralen Pejë-Prishtinë, në fshatin Drenoc të Klinës. Në aksident ishin të përfshira një kamion dhe një kombi bus. Dy persona kanë pësuar lëndime, janë dërguar në Emergjencën e Spitalit Rajonal për tretman. Në vendin e ngjarjes kanë dalë hetuesit e komunikacionit”- ka thënë ai për KALLXO.com.