Abazoviq: Edi Rama nuk përkrahi partitë shqiptare në zgjedhje

Politikani me prejardhje shqiptare në Mal të Zi, Dritan Abazoviq, ka kritikuar kryeministrin shqiptar, Edi Rama, për, siç tha ai, mospërkrahje të partive shqiptare në zgjedhjet e fundit në Mal të Zi.

“A e merni ju veshë paradoksin e kuptimit të çështjes në Mal të zi, ai (Edi Rama), as nuk i ka përkrahë partitë shqiptare, ai përkrah Gjukanoviqin, personalisht me emër, as partinë e tij nuk e ka përmend”, ka thënë Abazoviq në një intervistë për KALLXO.com.

Edi Rama përmes një video adresimi kërkoi nga shqiptarët e Malit të Zi të votojnë për ish-presidentin, Millo Gjukanoviç.

Abazoviq që është bartës i listës së koalicionit “E zeza mbi të bardhën”, ka thënë që një kryeministër nuk mund të ua ndërroj mendjen votuesve në një vend tjetër.

“Më vjen shumë keq që njerëzit nuk e kuptojnë se në rajon luhet një lojë e njerëzve të cilët kanë pa ja lidhje politike ja lidhje biznesit. Nuk e kam fjalën për kryeministrin e Shqipërisë, kam respekt për të gjithë por mos të mendoj dikush që një kryeministër i një shteti që mund ta ndërroj vullnetin e tyre njerëzve, për të cilin kemi luftuar ne”, ka deklaruar ai.

Gjatë kësaj intervistë ai ka folur edhe politikanët kosovar të cilët e kishin thirrë pas përfundimit të zgjedhjeve atje

Kjo është intervista e plotë: