5 persona të lënduar në aksidentin në Prishtinë
06.6.2021 - 11:45
Pesë persona kanë marrë lëndime trupore pas një aksidenti që ka ndodhur rreth orës 10:30 në Prishtinë.
Zëdhënësja e Policisë për Rajonin e Prishtinës, Florie Ahmeti ka thënë për KALLXO.com se në aksident janë përfshirë dy vetura,
“Rreth orës 10:30, në udhëkryqin e rrugëve “Ukshin Hoti”-“Robert Doll” , në Prishtinë, ka ndodhur një aksident trafiku. Në këtë aksident kanë qenë të përfshira dy automjete. Bazuar në të dhënat fillestare nga vendi i ngjarjes, pesë persona kanë pësuar lendime trupore”, tha Ahmeti.
Tutje ajo shtoi se me rastin po merret edhe Njësiti i Trafikut Rrugor.
KALLXO.com ka siguruar foto nga vendi i ngjarjes:
