Ekspozita ‘Motrat tona’ hapet nesër në Muzeun Kombëtar

Ekspozita “Motrat tona” e artistes feministe Ms.Indefinite hapet nesër, më 25 nëntor 2023, në ora 18:00 në Muzeun Kombëtar të Kosovës.

Kjo ekspozitë mbahet në kuadër të 16 ditëve të aktivizmit kundër dhunës me bazë gjinore.

Ministria e Kulturës, Rinisë dhe Sportit ka bërë të ditur përmes një njoftimi se ekspozita “Motrat tona” është një ngjarje artistike që lidh artin me vetëdijesimin kundër dhunës ndaj gruas.

Kjo ekspozitë paraqitet përmes pesë video-instalimesh dhe dy instalacione pasqyruese, të shoqëruara nga një performancë e cila do të ekzekutohet në hapje të ekspozitës.

“Ekspozita motërzon pikturën shqiptare ‘Motra Tone’, të piktorit Kolë Idromeno dhe do të hapet në kuadër të fushatës ndërkombëtare ‘16 ditët e aktivizmit kundër dhunës me bazë gjinore”’ – thuhet në njoftimin e MKRS-së.

Ekspozitën do të jetë e hapur deri me 4 dhjetor 2023 në MKK-në.