Nënkryetarja Sahatçiu emërohet ushtruese detyre në drejtorinë e Arsimit në kryeqytet

Me vendim të kryetarit Përparim Rama, nënkryetarja e Prishtinës Donjeta Sahatçiu është emëruar ushtruese detyre në Drejtorinë e Arsimit, derisa drejtoresha Besianë Musmurati të kthehet nga pushimi i lehonisë.

Emërimi i Sahatçiut në këtë pozitë është bërë më 25 tetor 2023.

Sipas vendimit të bazuar në ligjin për vetëqeverisje lokale, ushtruesja e detyrës do udhëheqë dhe menaxhojë Drejtorinë në përputhje me udhëzimet e kryetarit, ligjet dhe rregulloret komunale në fuqi.

Donjeta Sahatçiu e cila vjen nga radhët e Partisë Demokratike të Kosovës është nënkryetarja e parë grua në kryeqytet.

Përpos Sahatçiut, postin e nënkryetarit e mban edhe Alban Zogaj nga LDK. Me ligjin për kryeqytet të vitin 2018, Prishtina ka të drejtë të ketë dy nënkryetarë.