Gjykata vendos ndaj të dyshuarit në rastin e vrasjes në Podujevë

Gjykata e Prishtinës ka caktuar një muaj paraburgim ndaj Arsim Sylës, i dyshuar në rastin e vrasjes në Podujevë.

Këtë për KALLXO.com e ka konfirmuar zëdhënësja e Gjykatës së Prishtinës, Mirlinda Gashi.

Me 11 shtator 2023, një person ka mbetur i vdekur ndërsa një grua ka mbetur e plagosur si pasojë e gjuajtjes me armë zjarri në Podujevë.

Lidhur me rastin, më 12 shtator 2023 është ndaluar një person i dyshuar.

“Prokurori i Shtetit ka lëshuar aktvendim mbi ndalimin e një personi të dyshuar, në rastin e vrasjes së rëndë në Podujevë”- kishte bërë të ditur për KALLXO.com, Prokuroria Themelore e Prishtinës.